CBJ 2021 – Pagua

PAGUA – LUCA HOFMANN (*1999) LEBT UND ARBEITET IN BERN

Aufwachen. Aus dem Schlaf, aus dem Traum, aus sich selbst. In meiner Arbeit setze ich mich mit persönlichen Themen, Prozessen und Fragen auseinander. Was verbindet meine innere Welt mit der manchmal fremden äusseren Welt? Was unterscheidet Wirklichkeit und Realität? Wie finde ich mich und meinen Platz? Auf diesem Weg entstehen viele Gefühle und Gedanken, die ich in Form von Text und Bild zu erfassen versuche, um sie so für andere spürbar und erlebbar zu machen.

«Pagua» heisst mit bürgerlichem Namen Luca Hofmann und ist 1999 in Bern geboren und aufgewachsen. Seine Leidenschaft, Dinge zu erschaffen, begleitete ihn schon in jungen Jahren und so absolvierte er nach seiner zwölfjährigen Schulzeit an der Rudolf-Steiner-Schule in Bern und Ittigen das Propädeutikum an der Invers in Bern. Zurzeit ist Luca Hofmann im dritten Lehrjahr der Grafikfachklasse an der Schule für Gestaltung Biel.

 

PAGUA – LUCA HOFMANN (*1999) VIT ET TRAVAILLE À BERNE

Se réveiller. Sortir du sommeil, d’un rêve, de l’introspec-tion…  Mon travail tourne autour de sujets, processus et questionnements personnels. Qu’est-ce qui relie mon monde intérieur au monde extérieur, parfois étrange ? Quelle est la différence entre réalité (Wirklichkeit) et le réel (Realität) ? Comment me trouver moi-même, comment trouver ma place ? Cette quête est jalonnée de sentiments et de pensées que j’essaie de capter sous forme de textes et d’images afin de les partager avec d’autres.

À la ville, Pagua s’appelle Luca Hofmann. Il est né à Berne en 1999 et y a grandi. Sa passion pour la création l’accompagne depuis son plus jeune âge. Après douze années de scolarité à l’école Rudolf Steiner de Berne et d’Ittigen, il a suivi le cours préparatoire de l’école de design Invers à Berne. Il est actuellement en troisième année dans la classe de graphisme à l’École de design à Bienne.

Aufwachen

2021
Acryl und Öl auf Leinwand
77 x 125 cm

 

Eigentlech het scho aues bi mire Geburt ahgfangä.
I gloub i ha nie wük hie härä wöuä,
ha nie wöuä usega,
ds gmüetlech Warme verlaa,
zum mi uf de Stress und die Hektik vor Weut izlaa.
Aber was seume machä? Es geit ja jedem so und i cha ja ni eifach da inne blibe bis as Ändi vor Weut.

Drum bini mit chli Muet de glich los, chopfsvoraa
und woni ha denkt i sig iz de da,
isch nüt me gangä, z schreg din bini gsi, abquält hanimi aber…
s het glich ni glängt.
Ha nüm gwüsst wo dr Chopf mir steit,
wo bini hie? was machi hie?
I wott wäg vo hie aber stecke fest!
I stecke fest… fest!
Schlussendlech heisi de obe ufgschnittä umi dert useghout.
U da bini ausi gsi.
Amne fremde Ort woni bis hüt niso recht weiss für was i mi ha usetrout.
Amne Ort wos so viu Angeri git,
dass i mi irgendeinisch zwüsche ine ha verirrt
umi seuber nüm ha gfunde.
Wo bini hie? Was machi hie?
Am Afang isches ja no gangä da isch d Weut no mini eigni gsi.
Da bi ig no chli und aues um mi ume mir egau gsi.
I ha nüt weue wüsse vo dem was für die Grosse,
irne Weut us Betonhüser, schneue Outos und schwarzem Asphalt, wichtig isch.
Und ersch rächt nüt vor Zit! Zit, was isch ds scho?
Zwöi Striche wosech im Kreis dräie und die ganzi Weut läbt eso!
Aber je grösser ig und je chliner mini Weut si worde und je
grösser, schneuer und lüter aues wird, umso meh fragi mi,
wo bini hie? Was machi hie?
I wott wäg vo hie aber stecke fest!
Fest ungermne Pult imne Klassezimmer, fest im Zug, Bus oder Tram, fest im Internet imne
virtuelle Rum wos eigentlech gar nid git, fest i Rouch und Auk, imne Zuestand vomne Delirium
wosech aues dräit, fest zwüsche grännä, lache, Chrieg u Fridä. Fest i Depressione,
Glichgültigkeit u tiefem Lide,
imne Karusell wosech ewig dräit.
Fest ider Liebi, fest im Läbä, fest ider Wäut!
Ja, fest ider Wäut!
I welere weissi oni so gnau aber i meine die wodi d Liebi zude fausche Mönsche quält,
wos nume de Roboter a nütem fäut,
wome Gwaut u Droge aus Uswäg wäut
ume derbi no sött zfride lächlä und starch si aus aus wers e
gueti, schöni Wäut.
Ja chum machemer no es Selfie und postes uf Instagram damit aui gseh wasmer hüt fürnes
Znacht hei bsteut!

Ach villech wäri besser dinne blibe,
dinne im schöne, warme bis as endi vor Zit.
Nur wersmer iz eue zimlech z eng worde mit 21i.
Ja wär weiss, weni iz immerno dert inne wär, würdi villech glich dänkä
wo bini hie? was machi hie?
I wott weg vo hie aber stecke fest!
Fest!